Baıqońyrdan halyqaralyq ǵarysh stantsııasyna kezekti ekıpaj ushyryldy

BAIQOŃYR. QazAqparat - «Soıýz MS-07» basqarylatyn áýe kemesi bar «Soıýz-FG» zymyran tasyǵysh Baıqońyrdyń birinshi alańynan ushyryldy. Ekıpaj quramynda MKS-54/55 uzaq ekspedıtsııasynyń múshesi, Roskosmos ǵaryshkeri Anton Shkaplerov, NASA astronavty Skott Tıngl jáne JAXA astronavty japonııalyq Norıshıge Kanaı bar, dep habarlaıdy «QazAqparat» HAA tilshisi. 

Zymyran tasyǵysh Astana ýaqytymen 13:21-de ushyrylyp, shtattyq rejımde júrgizildi. Reportaj onlaın rejımde berildi. Ǵarysh kemesiniń úshinshi zymyran tasyǵyshtan bólinýi ushyrylǵannan keıin 528-sekýndta ótti.


Kemeniń HǴS-pen túıisýi 19 jeltoqsanǵa josparlanǵan.

MKS 54/55 ekıpjanyń músheleri orbıtada 300-ge jýyq eksperıment júrgizedi, dedi ekıpaj komandıri Anton Shkaplerov. Ol óziniń týǵan kúnin úshinshi ret orbıtada atap ótpek.

Halyqaralyq ǵarysh stantsııasynyń bortynda reseılik ǵaryshker Aleksandr Mısýrkın men eki amerıkalyq ǵaryshker Mark Vande Haı men Djozef Akaba áriptesterimen kezdesýge daıyndalyp jatyr.