Baıqońyrdan «Gagarın» kemesiniń ushyrylý sáti ǵaryshtan fotoǵa túsirildi
Buǵan deıin jazǵanymyzdaı, «Gagarın» ǵarysh kemesiniń ushyrylýy sátti ótti.
Ǵaryshkerler kúni qarsańyndaǵy mereıtoılyq ushyrýdy kóptegen qonaqtar, mektep oqýshylary, el Premer-Mınıstri Asqar Mamın bastap kelgen úkimettik delegatsııa baqylady. QR Úkimetiniń tóraǵasy Baıqońyrǵa Roskosmos basshysymen kelissóz júrgizgý úshin kelgen.
Ushyrylǵan «Soıýz-MS-18» ǵarysh kemesi úsh saǵattan keıin Halyqaralyq ǵarysh stantsııasynyń (HǴS) «Rassvet» modýlimen túıisip, taǵy birshama ýaqyttan soń MKS-65 ekspedıtsııasynyń ekıpajy Oleg Novıtskıı, Petr Dýbrov jáne Mark Vande Haı HǴS bortyna aýysty.
Olardy Halyqaralyq ǵarysh stantsııasynda Roskosmos ǵaryshkerleri Sergeı Ryjık pen Sergeı Kýd-Sverchkov qarsy aldy. Ǵaryshkerler «ıÝ.A. Gagarın» kóliktik basqarylatyn kemesi bar «Soıýz-2.1a» zymyran-tasymaldaǵyshynyń ushyrylý sátin sýretke túsirip alǵan. HǴS dál sol sátte Baıqońyrdyń ústimen ushyp bara jatqan.
Qazir orbıtadaǵy ǵaryshtyq vahtada onnan asa adam bar: Roskosmostyń – tórt, NASA-nyń – bes ǵaryshkeri jáne Japondyq ǵarysh agenttiginiń bir ókili.
Roskosmos aqparatyna sáıkes, «Soıýz MS-18» kemesi HǴS bortyna 169 kg júk jetkizgen. Olardyń arasynda ǵaryshtyq tájirıbelerdi jáne reseılik ǵylymı baǵdarlama boıynsha medıtsınalyq-bıologııalyq zertteýlerdi jasaýǵa arnalǵan jabdyqtar, borttyq qujattama jasaýǵa kerek qural men kómekshi komplekt, jeke gıgıena quraldary men azyq-túlik, sonymen qatar ıÝrıı Alekseevıch Gagarınniń sýreti men ǵaryshqa alǵashqy adamnyń ushýynyń 60 jyldyǵyna arnalǵan mereıtoılyq sımvolıka bar.