Baıqońyrdan bortynda haıýanattary bar «Soıýz» zymyran-tasyǵyshy ushyrylady
Ol jer mańy orbıtasyna birden alty serikti shyǵarady. Olardyń arasynda bútin haıýanattar baǵy - elýge jýyq tyshqan, gekkondar, ulý jáne mıkroaǵzalar ornalastyrylǵan reseılik «Bıon» da bar. Bul týraly Vestı habarlady.
Ǵalymdardyń aıtýynsha, olar ǵaryshta bir aıǵa jýyq ýaqyt bolady. Keıin janýarlardyń jaǵdaıyn ǵalymdar zertteıdi. Bul Marsqa attandyrylatyn ekıpajdyń qorǵanysyn kúsheıtýge kómektesetin bolady.
«Bıon-M1» ǵarysh qondyrǵysy - bul naǵyz Nuh kemesi. Orbıǵa attanatyn 45 tyshqan, 15 gekkon kesirtkeleri, mońǵol ulýlary, balyqtar, ósimdikter men tuqymdar kúndelikti beıne kameralarmen baqylanatyn bolady. Salmaqsyzdyq kúıiniń tiri aǵzalarǵa áserin zertteý boıynsha úlken eksperıment ázirlený ústinde.
«Bıonnyń» orbıtadaǵy tirshiligi bir aımen shekteledi. Ony Orynbor oblysynyń aýmaǵynda 18 mamyr kúni qarsy alý josparlanyp otyr.