Baıqońyrdaǵy ushyrý alańyna «Soıýz» zymyrany ornatyldy

BAIQOŃYR. QazAqparat – Búgin «Soıýz-2.16» zymyran tasyǵyshy «Progress M-ÝM» kólik júk kemesi jáne «Prıchal» túıin modýlimen birge Baıqońyr ǵarysh aılaǵynyń №31 alańyndaǵy («Vostok») start keshenine ornatyldy, dep habarlaıdy QazAqparat tilshisi.

Bul ushyrylymǵa úsh kún qaldy degendi bildiredi. «Progress M-ÝM» kólik júk kemesi jáne «Prıchal» túıin modýlin «Soıýz-2.16» zymyran tasyǵyshyn ushyrý 24 qarashada Nur-Sultan ýaqytymen saǵat 19:06-ǵa josparlanǵan.

«Prıchal» jańa modýli Halyqaralyq ǵarysh stansasynyń reseılik segmentinde tehnıkalyq jáne paıdalaný múmkindikterin ulǵaıtýǵa arnalǵan. Ol «Naýka» kópmaqsatty zerthanalyq modýliniń túıinine jalǵanady«, dep habarlady «Roskosmostyń» baspasóz qyzmeti.

Odan bólek, keme HǴS bortyna 700 keli júk jetkizýi kerek. Olardyń ishinde apparatýra qory, shyǵyn materıaldary, sý tazartqysh, medıtsınalyq baqylaý jáne sanıtarlyq-gıgıenalyq quraldar, tehnıkalyq qamtamasyz etý jáne jóndeý quraldary, sonymen qatar orbıtada jumys isteıtin ǵaryshkerlerge arnalǵan tamaq qory bar.

Azy-túlik qory 2021 jyldyń 8 jeltoqsanynda ǵaryshqa ushatyn «Soıýz MS-20» ekıpajyna da qarastyrylǵan.

Avtory Sara Qabıqyzy