Baıqońyrdaǵy start keshenine OneWeb spýtnıgi bar zymyran ornatyldy

BAIQOŃYR. QazAqparat – Baıqońyr ǵarysh aılaǵynan «Fregat-M» údemeli blogy jáne OneWeb brıtandyq baılanys spýtnıgi bar «Soıýz 2.1b» zymyran-tasyǵyshyn ushyrýǵa úsh táýlik qaldy, dep habarlaıdy QazAqparat tilshisi.

«Soıýz 2.1b» zymyranyn Baıqońyr ǵarysh aılaǵynyń № 31 alańyndaǵy start keshenine ornatý jáne shyǵarý memlekettik komıssııa sheshimine sáıkes júzege asyryldy. Startqa deıin birneshe kún boıy júıeler men paıdaly júk agregattary, raketa-tasyǵysh pen start kesheni avtonomdy synaqtan ótkiziledi», dep habarlaıdy Roskosmostyń baspasóz qyzmeti.

«Fregat-M» údemeli blogy jáne OneWeb brıtandyq baılanys spýtnıgi bar «Soıýz 2.1b» zymyran-tasyǵyshyn 2020 jyldyń 7 aqpany kúni, Nur-Sultan ýaqytymen 02:42:41 ushyrý josparlanǵan.

Údemeli blok starttan keıin 10 mınýttan soń úshinshi satydan ajyraıdy dep eseptelgen. Odan keıingi 3,5 saǵat ishinde ushý tsıklogrammasyna sáıkes, ǵarysh apparattary «Fregat-M» údemeli blogynan bólinedi.

Aıta keterligi, bul Baıqońyr ǵarysh aılaǵynan 2020 jyly ushyrylatyn alǵashqy zymyran.

Avtory Sara Kábıqyzy