Baıqońyrdaǵy start alańy jańǵyrtylmaq
22:10, 08 Maýsym 2019
BAIQOŃYR. QazAqparat - «Roskosmos» memlekettik korporatsııasy men Reseıdiń tikeleı ınvestıtsııalar qory (RTIQ) «Baıqońyr» ǵarysh aılaǵyndaǵy Gagarın start alańyn jańǵyrtý týraly kelisimge qol qoıdy, dep habarlaıdy «QazAqparat» HAA tilshisi.
«Roskosmostyń» baspasóz qyzmeti taratqan habarǵa qaraǵanda, oǵan 87 mln dollar mólsherinde ınvestıtsııa tartylady.
Joba aıasynda ǵarysh aılaǵynyń №1 ushyrý alańyn (Gagarın start alańy) jańǵyrtý jáne ony «Soıýz-2» tasymaldaýshy zymyrandaryn ushyrýǵa paıdalaný kózdelip otyr.
Habarlamada aıtylýynsha, RTIQ jáne ózge seriktesterdiń ınvestıtsııalary ǵarysh aılaǵynyń jer ústi ınfraqurylymyn jańartyp, Reseıdiń ǵarysh ónerkásibiniń básekege tózimdiligin arttyrýǵa septigin tıgizedi.
Avtor: Sara Qabıqyzy