Baıqońyrdaǵy apattan keıin birinshi ret ǵaryshqa júk kemesi attanady

BAIQOŃYR. QazAqparat - Baıqońyr ǵarysh aılaǵynan «Progress MS-10» kóliktik júk kemesiniń (KJK) ushyrylýyna deıin úsh táýlikten az ýaqyt qaldy, dep habarlaıdy QazAqparat tilshisi.

Búgin «Progress MS-10» kóliktik júk kemesi bar «Soıýz-FG» zymyran tasyǵyshy Baıqońyr ǵarysh aılaǵynyń №1 ushyrý alańyna shyǵarylyp, ornatyldy, dep habarlady Roskosmostyń baspasóz qyzmetinen.

Roskosmos kásipornynyń mamandary ushyrý kesheninde tehnologııalyq operatsııalardy aıaqtap qaldy.
 

«Progress MS-10» kóliktik júk kemesi bar «Soıýz-FG» zymyran tasyǵyshy  Baıqońyr ǵarysh aılaǵynyń №1 ushyrý alańynan 2018 jyldyń 16 qarashasynda ushady dep josparlanyp otyr. Bul - «Soıýz-FG» ZT-nyń 2018 jylǵy 11 qazandaǵy apatynan keıingi birinshi qadam.  

«Progress MS-10» kemesi Halyqaralyq ǵarysh stantsııasyna 2,5 tonnadan astam júkti, sonyń ishinde otyn, aýa, stantsııany jumys jaǵdaıynda ustap turýǵa arnalǵan jabdyqtar, ekıpaj múshelerine qajetti zattardy jetkizedi.