Baıqońyrda «Spektr-RG» observatorııasyn ushyrýǵa daıyndyq júrip jatyr

BAIQOŃYR. QazAqparat - Baıqońyr ǵarysh aılaǵynda «Spektr-RG» observatorııasyn alyp ushatyn «Proton-M» tasymaldaýshy zymyranyn ushyrýǵa daıyndyq júrip jatyr, dep habarlaıdy QazAqparat tilshisi.

Roskosmos baspasóz qyzmetiniń málimdeýinshe, «Proton-M» zymyranyn qurastyrý aıaqtalǵan.

Búgin 13 maýsym kúni ǵarysh aılaǵynda Memlekettik komıssııanyń otyrysy bolady, onda zymyrandy ushyrýǵa daıyndalý jumystary qorytyndylanady.

Zymyran 14 maýsym kúni tańerteń Baıqońyr ǵarysh aılaǵynyń 81-shi alańynyń ushyrý keshenine shyǵarylady.

«Proton-M» tasymaldaýshy zymyrany josparǵa sáıkes, 21 maýsym kúni Nur-Sultan ýaqytymen 18:17-de ushyrylýy tıis. «Proton» osymen Baıqońyrdan bıyldyqqa ekinshi ret ushpaq.

Ǵarysh aılaǵyna eki aı buryn jetkizilgen «Spektr-RG» astrofızıkalyq observatorııasynyń negizgi mıssııasy - Ǵalamdy elektromagnıt sáýleleriniń rentgen dıapazony arqyly zertteý, Ǵalamnyń adamzat baqylaıtyn bóliginiń kartasyn jasaý.

Avtor: Sara Qabıqyzy