Baıqońyrda «Soıýz - Ý» zymyranyn sońǵy ret ushyrýǵa daıyndaýda

BAIQOŃYR. QazAqparat - Baıqońyr ǵarysh aılaǵynda «Progress MS-05» ǵaryshtyq júk kemesin (ǴJK) «Soıýz-Ý» zymyran tasyǵyshymen ushyrýǵa daıyndyq júrip jatyr, dep habarlaıdy «QazAqparat» HAA tilshisi.

«Progress MS-05» ǴJK-yn ǵaryshqa ushyrý 2017 jyldyń 22 aqpanyna josparlanǵan. Bul «Soıýz-Ý» ZT, ıaǵnı «Soıýz» ZT-nyń eń kóp modıfıkatsııalanǵan qurylǵysynyń - sońǵy ret áýege jol tartýy, dep atap ótti Roskosmos baspasóz qyzmeti.
 

Statıstıkalyq derekterge súıensek, 43 jyl boıy «Soıýz» tasyǵysh-zymyrany 800 ret ushyrylyp, onyń 20-y sátsiz aıaqtalǵan. Biraq, bes jyldyń ishindegi 3 apattan, ıaǵnı 2016 jyldyń 1 jeltoqsanyndaǵy sońǵy sátsizdikten keıin «Soıýz-Ý» TZ-yn qoldanystan shyǵarý týraly sheshim qabyldandy.

Halyqaralyq ǵarysh stansasy baǵdarlamasy boıynsha sońǵy ret «Soıýz-Ý» ZT-nyń «Progress MS-05» ǴJK-in orbıtaǵa shyǵarý Baıqońyr ǵarysh aılaǵynan 2017 jyldyń 22 aqpanyna josparlanǵan.

Bul keme HǴS-ke 2,5 tonnaǵa jýyq ártúrli júkterdi jetkizýi tıis.