Baıqońyrda «Soıýz MS-12» ǵarysh kemesiniń ekıpajy ushýǵa daıyndyqty bastady

BAIQOŃYR. QazAqparat - Basqarylatyn «Soıýz MS-12» ǵarysh kemesiniń Baıqońyrǵa kelgen negizgi jáne qosalqy ekıpajdary búgin ǵarysh aılaǵyndaǵy alǵashqy jattyǵýyn ótkizdi, dep habarlaıdy «QazAqparat» HAA tilshisi.

MKS-59/60 negizgi ekıpajy Roskosmostyń kosmonavty Alekseı Ovchının, NASA astronavtary - Nık Heıg jáne Krıstına Kýktan quralǵan. Qosalqy ekıpaj quramynda Roskosmos kosmonavty Aleksandr Skvortsov, ESA astronavty Lýka Parmıtano jáne NASA astronavty Endrıý Morgan bar.

Aldaǵy eki aptada ekıpajdar ıÝ.A. Gagarın atyndaǵy Ǵaryshkerlerdi daıarlaý ortalyǵynyń oqý-jattyǵý kesheninde daıyndalady. Ǵaryshkerler kúnde dene daıyndyǵymen aınalysyp, medıtsınalyq tekseristen ótedi.

Búgin ǵaryshkerler ǵarysh aılaǵyndaǵy alǵashqy jattyǵýy kezinde ǵarysh kemesine baryp, bort qujattarymen tanysty ári bort júıeleri boıynsha testiler tapsyrdy.

«Soıýz MS-12» ǵarysh kemesi ornatylǵan «Soıýz-FG» tasymaldaýshy zymyranyn Baıqońyr ǵarysh aılaǵynan 2019 jylǵy 14 naýryz kúni ushyrý josparlanǵan.