Baıqońyrda kúsheıtilgen karantın taǵy eki aptaǵa uzartyldy

BAIQOŃYR. QazAqparat – Keıingi eki aptada Baıqońyr qalasynda 14 adam koronavırýs saldayrnan kóz jumǵan. Osyǵan baılanysty qaladaǵy shekteý sharalary taǵy eki aptaǵa uzartylyp otyr, dep habarlaıdy QazAqparat tilshisi.

Baıqońyr qalasynyń ákimshiligi «Baıqońyr» kesheniniń bas sanıtar dárigeriniń usynysy negizinde Baıqońyr qalasy aýmaǵyndaǵy kúsheıtilgen daıyndyq rejımin 12 qyrkúıekke deıin uzartty. Bul qala aýmaǵynda koronavırýs ınfektsııasy taralýynyń aldyn alý boıynsha qoldanystaǵy shekteý is-sharalary saqtalady degen sóz.

Oǵan qosa saǵat 21.00-den 8.00-ge deıin keshen aýmaǵyna kóliktiń kirýine jáne adamdardyń №3 baqylaý-tekserý pýnkti arqyly ótýine shekteý engiziledi. Jergilikti jedel shtab Baıqońyr qalasynda epıdemıologııalyq jaǵdaı kúrdeli kúıinde qalyp otyrǵanyn málim etti.

Keıingi eki aptadaǵy resmı derekterge súıensek, 13-27 tamyz aralyǵynda 278 adam koronavırýs juqtyrǵan. ıAǵnı pandemııa bastalǵannan beri qalada vırýs juqtyrǵandardyń jalpy sany 1945-ten 2223 adamǵa deıin ósken. Sondaı-aq, 14 kún ishinde 11 ólim tirkelgen. Pandemııa bastalǵannan beri shaharda mundaı ólim kórsetkishi tirkelmegen bolatyn. Infektsııalyq statsıonarda 48 adam em alyp jatyr. Baıqońyr qalasynyń jedel shtaby ınfektsııanyń aldyn alý boıynsha barlyq sharalardy saqtaýǵa, jappaı vaktsınatsııalaýdy jalǵastyrýǵa shaqyryp, qala turǵyndaryna qoǵamdyq oryndarǵa barýdan shuǵyl túrde bas tartýǵa keńes berýde.

Sara Qabıqyzy