Baıqońyrda kún elektr stansasy salynady

ASTANA. QazAqparat - Baıqońyrda qýaty 55 MAt bolatyn kún elektr stansasynyń qurylysy bastalady. Búgin Global Challenges Summit 2018 forýmy aıasynda atalǵan stansanyń qurylysyn qarjylandyrý týraly QR Energetıka mınıstrligi men birqatar halyqaralyq bankter arasynda memorandým jasaldy, dep habarlaıdy QazAqparat tilshisi.

«Osy qujatqa sáıkes Energetıka mınıstrligi Qyzylorda oblysynda salynatyn kún elektr stansasynyń qurylysyna qoldaý kórsetetin bolady. Baikonyr solar dep atalatyn kún elektr stansasynyń qýaty - 55 MVt. Jobany júzege asyrý úshin 30 mln dollardy Eýropa qaıta qurý jáne damý banki, al 11 mln dollardy Azııa damý banki bóledi. Aldaǵy jyldan bastap, stansa iske qosylýy qajet», - dedi QR Energetıka mınıstri Qanat Bozymbaev memorandýmǵa EQQDB birinshi vıtse-prezıdenti ıÝrgen Rıgterınkpen birge qol qoıǵannan keıin.

Sondaı-aq,  Q.Bozymbaevtyń sózine qaraǵanda, «Samruq-Qazyna» ál-aýqaty qory brıtandyq jeke ınvestorlarmen birlesip, Jambyl oblysyndaǵy kún elektr stansasynyń qýaty 50-den 100 MVt-qa jetkizýdi josparlap otyr.

Aıta keteıik, QR Úkimeti qabyldaǵan jańartylatyn energııa kózderi salasyndaǵy memlekettik qoldaý sharalarynyń arqasynda qazirgi ýaqytta aıtarlyqtaı kólemde sheteldik jáne otandyq ınvestıtsııalar tartylýda. Oǵan búgingi qol qoıylǵan qujat dálel bola alady. Jańa joba CO2-nyń jyl saıynǵy shyǵaryndylaryn 75 000 tonnaǵa tómendetýge alyp keledi.