Baıqońyrda kópqabatty úılerdiń arasynan oq tıgen adamnyń denesi tabyldy

BAIQOŃYR. QazAqparat – Baıqońyr qalasynda kópqabatty úılerdiń arasynan oq jaraqatynyń izi bar adamnyń máıiti tabyldy, dep habarlaıdy QazAqparat tilshisi.

Oqıǵa 3 qyrkúıekte saǵat 00:20 shamasynda Baıqońyr qalasyndaǵy Korolev dańǵylynda ornalasqan kópqabatty úılerdiń arasynda bolǵan. Sol aýmaqtan oq jaraqatynyń izi bar adamnyń máıiti tabyldy.

Atalǵan derek boıynsha Reseı Federatsııasy Tergeý komıtetiniń Baıqońyr keshenindegi tergeý bólimi RF Qylmystyq kodeksiniń 105-baby 1-bóligimen kózdelgen qylmys belgileri boıynsha is qozǵady.

«Baıqońyr qalasynda jasalǵan quqyq buzýshylyq is-áreketterdi Reseı Federatsııasynyń quqyq qorǵaý organdary qaraıdy. Bul jóninde 1997 jylǵy 4 qazanda «Reseı Federatsııasynyń jáne Qazaqstan Respýblıkasynyń Úkimeti arasyndaǵy Baıqońyr kesheniniń aýmaǵynda quqyq tártibin qamtamasyz etýde quqyq qorǵaý organdarynyń ózara is-qımyly týraly» kelisiminiń 5-babynda kórsetilgen», - dep málim etti QR Іshki ister mınıstrliginiń Baıqońyr qalasyndaǵy ókildigi.

Eske salsaq, budan buryn Qyzylordada jasóspirimdi qaǵyp, oqıǵa ornynan ketip qalǵan júrgizýshi ustaldy.