Baıqońyrda karantın 28 jeltoqsanǵa deıin uzartyldy

BAIQOŃYR. QazAqparat – Baıqońyr qalasynda koronavırýs ınfektsııasynyń taralýyna jol bermeý boıynsha shekteý sharalarynyń rejımi taǵy eki aptaǵa sozyldy, dep habarlaıdy QazAqparat tilshisi.

«Baıqońyr» kesheniniń bas memlekettik sanıtarlyq dárigeriniń usynystaryna sáıkes jáne qala ákimshiligi basshysynyń qaýlysy boıynsha karantın 2020 jylǵy jeltoqsan aıynyń 28-ine, saǵat 00:00-ge deıin sozylady.

Qoldanystaǵy shekteý sharaly saqtalyp qalady, dep habarlaıdy jedel shtabtan.

Reseı Federaldyq medıtsınalyq-bıologııalyq agenttigi «Baıqońyr» kesheniniń Aımaqtyq basqarmasynyń málimetinshe, búginde Baıqońyr qalasynyń aýmaǵynda koronavırýsqa shaldyǵýdyń 1113 oqıǵasy tirkelgen. Statıstıkaǵa sáıkes, sońǵy eki aptada 23 adam aýrý juqtyrǵan. Búginde ınfektsııalyq statsıonarda 11 adam em qabyldap jatyr, 2020 jylǵy 1 maýsym men 11 jeltoqsan kezeńi aralyǵynda statsıonardan 509 adam shyǵaryldy. Ólim oqıǵalarynyń sany eki aıda ósken joq (69 adam).