Baıqońyrda karantın 15 maýsymǵa deıin uzartyldy

BAIQOŃYR. QazAqparat – 25 mamyrda ótken qalalyq jedel shtabtyń otyrysynda Baıqońyr aýmaǵynda koronavırýs ınfektsııasy boıynsha karantındi 2020 jyldyń 15 maýsymyna deıin uzartý sheshimi qabyldandy, dep habarlaıdy QazAqparat tilshisi.

Buǵan deıin shekteý sharalaryn 1 maýsymda alyp tastaý josparlanǵan edi.

Shtab otyrysynda Reseıdiń Federaldy medıko-bıologııalyq agenttigi «Baıqońyr» kesheniniń óńirlik basqarmasynyń basshysy Andreı Popov koronavırýs ınfektsııasyn juqtyrǵan jańa jaǵdaılar týraly habarlady.

Jalpy alǵanda Baıqońyrda jaǵdaı turaqty: 241 adam óz úılerinde oqshaýlandyryldy. Infektsııaǵa 287 test tapsyryldy. Onyń 7-eýi oń nátıje kórsetti (16-24 mamyr).

Qyzylorda oblysyndaǵy sanıtarlyq-epıdemıologııalyq jaǵdaıdy eskere otyryp, shtab músheleri COVID-19 indetiniń taralýyn aldyn alý boıynsha shekteý sharalaryn 2020 jyldyń 15 maýsymy saǵat 00:00-ge deıin uzartýdy sheshti.

Osy kúnge deıin baqylaý-ótkizý pýnkterinde shekteýler saqtalady. Baıqońyr qalasy, Toretam kenti jáne Aqaı aýyldyq okrýginiń turǵyndary baqylaý-ótkizý pýnkteri arqyly arnaıy ruqsat qaǵazdary boıynsha ótetin bolady.

Sonymen qatar, jedel shtabtyń sheshimimen kúsheıtilgen sanıtarlyq-dezınfektsııalyq rejım men áleýmettik qashyqtyqty saqtaı otyryp, kórmeler men murajaılardyń, menshik túrine qaramastan jabyq túrdegi sport nysandarynyń, fıtnes-klýbtardyń jáne sport zaldarynyń qyzmetine ruqsat etildi.