Baıqońyrda ekstremıstik baǵyttaǵy materıaldardy taratqan turǵyn ustaldy
Qyzylorda oblysy Polıtsııa departamenti Ekstremızmge qarsy is-qımyl basqarmasy qyzmetkerleri osy maqsatta jedel-izdestirý is-sharalaryn júrgizdi.
«Nátıjesinde Baıqońyr qalasynyń 38 jastaǵy ekstremıstik baǵyttaǵy materıaldardy taratqan destrýktıvti dinı aǵymyn ustanatyn turǵyny qolǵa tústi. Oǵan qatysty QR Ákimshilik quqyq buzýshylyq týraly kodeksi 490-babynyń 1-bóligi 3-tarmaǵymen kózdelgen quqyq buzýshylyq jasaǵany úshin ákimshilik is qozǵalǵan. Onda «QR Dinı qyzmet jáne dinı birlestikter týraly» zańyn buzý, dinı ádebıetti jáne dinı mazmundaǵy ózge de materıaldardy, dinı maqsattaǵy zattardy ákelýge, ázirleýge, shyǵarýǵa, basyp shyǵarýǵa jáne (nemese) taratýǵa tyıym salý jaǵdaıy kórsetilgen», - dep málim etti Qyzylorda oblystyq polıtsııa departamentinen.
Vedomstvo málimetinshe, sot qaýlysymen destrýktıvti dinı aǵym ustanýshysy kináli dep tanyldy. Oǵan 107205 teńge kóleminde ákimshilik aıyppul salyndy.
Eske salsaq, budan buryn Baıqońyrda áleýmettik jeli arqyly turǵyndardy qorqytqan adam qolǵa tústi.