Baıqońyrda belgisiz jaǵdaıda sýǵa batyp ketken azamattyń denesi tabyldy
Oqıǵa búgin, 29 qyrkúıekte túngi saǵat 1.10 shamasynda bolǵan.
Tótenshe jaǵdaılar qyzmetine Syrdarııa ózeniniń Baıqońyr qalasyndaǵy tusynda ornalasqan jyljymaly kópirden 300 metr qashyqtyqta adamnyń sýǵa batyp ketkeni jóninde habarlama tústi. Habarlamada sýǵa batyp ketken adamnyń Qyzylorda qalasynda turatyn 1958 jylǵy azamat ekeni anyqtaldy.
«Atalǵan habarlama boıynsha jedel qutqarý jasaǵynyń Qamystybas eldi mekenindegi bóliminiń mamandary 07.10-da Baıqońyr qalasyna kelip jetti. Saǵat 07.30-da izdestirý jumystary bastalyp ketti. Oqıǵa ornynda jasaqtyń 1 tehnıkasy men 4 qyzmetker jumys jasady. Saǵat 11.10-da sýǵa ketken azamattyń denesi tabylyp, jaǵaǵa shyǵaryldy», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.