Baıqońyrda balalar joǵalyp ketti: izdeý jumystary júrgizilip jatyr

BAIQOŃYR. QazAqparat – Baıqońyr qalasynda joǵalyp ketken eki balany izdestirý jumystary júrgizilýde, dep habarlaıdy QazAqparat.

Bıylǵy jyldyń 20 aqpanynda Baıqońyr qalasynda jergilikti ýaqyt boıynsha saǵat 10:30 shamasynda 2 synyp oqýshylary 29.09.2013 jyly týǵan Nuráli Orazbaev pen 26.03.2013 jyly týǵan Erhan Anas joǵalyp ketken. Olar «Maıak» kesheninen shyǵyp, belgisiz baǵytqa ketip, oralmaǵan.

Іzdestirý sharalaryna RF ІІMB, «Baıqońyr» keshenindegi ІІMP qyzmetkerleri, Qazaqstan Respýblıkasynyń Іshki ister organdary jáne 80 volonter jumyldyryldy. Kómekke Qyzylordadan súńgýirler keldi.

Búgin tikushaq Syrdarııa ózeni arnasyn aınalyp ushyp ótti. Sonymen qatar, Qyzylorda qalasynan Baıqońyr qalasyna quramynda 7 adam, 1 kınolog, 1 tehnıka bar izdeý toby shyqty.

Іzdeý jumystarynyń nátıjesinde joǵalǵan balalardyń biriniń máıiti tabyldy.

Іzdeý jumystaryn baqylaý úshin oblys ákimi Gúlshara Ábdiqalyqova Baıqońyr qalasynda oqıǵa ornynda júr. Bul másele óńir basshysynyń baqylaýynda.