Baıqońyrda áleýmettik jeli arqyly turǵyndardy qorqytqan adam qolǵa tústi

BAIQOŃYR. QazAqparat - Baıqońyr qalasynda áleýmettik jeli arqyly turǵyndardy qorqytqan adam qolǵa tústi, dep habarlaıdy QazAqparat tilshisi.

Baıqońyr turǵyny WhatsApp mesendjeri arqyly jasaǵan beıneúndeýinde atalǵan keshendegi Reseı Federatsııasy Іshki ister mınıstrligi basqarmasynyń basshylyǵyna qaladaǵy Arbat dep atalatyn aýmaqtyń uıymdasqan tobyna qarsy kúsh qoldanatyny týraly aıtqan.

«Atalǵan derek boıynsha QR Qylmystyq kodeksiniń 115-babymen (Qorqytý) tergep-tekserý bastaldy. Jedel-izdestirý sharalarynyń nátıjesinde 32 jastaǵy kúdikti ustaldy. Oǵan qatysty sotqa deıingi tergep-tekserý áreketteri júrgizilýde», - dep málim etti Qyzylorda oblystyq polıtsııa departamentinen.

Eske salsaq, budan buryn Baıqońyrda kópqabatty úılerdiń arasynan oq tıgen adamnyń denesi tabyldy .