Baıqońyrda áleýmettik jeli arqyly dinı alaýyzdyq týǵyzbaq bolǵan azamat sottaldy

ASTANA. QazAqparat - Qyzylorda oblysy Baıqońyr qalasynda «Vkontakte» áleýmettik jelisinde dinı alaýyzdyqty qozdyrýǵa baǵyttalǵan ýaǵyzdardy taratqan azamat sottaldy, dep habarlaıdy QazAqparat tilshisi.

Joǵarǵy sottyń baspasóz qyzmetinen habarlaǵandaı, Baıqońyr qalalyq sotynda QR Qylmystyq Kodeksiniń 174-babynyń 1-bóligi boıynsha (Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý) qylmystyq is qaralǵan.

«Anyqtalǵandaı, sottalýshy uıaly telefony arqyly«Vkontakte» áleýmettik jelisinde paraqsha ashqan. Sol paraqshaǵa Abdýsallıam-Al ýalıa ýal baro, Nazratýllah abý Marıam jáne Oktam Zaýrbekov atty avtorlardyń dinı alaýyzdyqty qozdyrýǵa baǵyttalǵan áreketteri bar dinı ýaǵyzdardy saqtap, olardy 2018 jyldyń mamyr aıynda áleýmettik jeli paıdalanýshylaryna taratqan», - dep habarlaıdy Joǵarǵy sottyń baspasóz qyzmetinen.

Sot úkimimen Baıqońyr turǵyny Qazaqstan Respýblıkasy Qylmystyq kodeksiniń 174-babynyń 1-bóligimen kináli dep tanylyp, 3 jylǵa bas bostandyǵy shekteldi.