Baıqońyr týraly jańa án jaryqqa shyqty

NUR-SULTAN. QazAqparat – 2 maýsymda atalyp ótken Baıqońyrdyń 65 jyldyǵynda «Qazaqkontsert» memlekettik kontserttik uıymynda Qazaqstan Respýblıkasynyń eńbek sińirgen qaıratkeri, ánshi ári kompozıtor Jeńis Seıdollauly Baıqońyrǵa arnalǵan jańa ánin oryndap berdi, dep habarlaıdy QazAqparat tilshisi.

«Baıqońyr valsi» atty jańa týyndysyn Jeńis Seıdollauly óziniń ǵana emes, ańyzǵa aınalǵan ǵarysh aılaǵynyń baǵyn ashqan týǵan jerine arnap otyr. Ánshiniń ózi Baıqońyr qalasynyń janyndaǵy Tóretam aýylynda dúnıe esigin ashqan. Temirjoldyń boıyndaǵy dál osy eldimekenge 1955 jyly ǵarysh aılaǵynyń áskerı qurylysyn júrgizgen alǵashqy desanttar túsken edi. Sodan beri Tóretamdy «Baıqońyrdyń qaqpasy» dep ataıdy.

Jeńis Seıdollauly temirjolshylar otbasynda ómirge kelgen. Bala kezden ánge qumar bolmasa da, Baıqońyrdaǵy áskerılerge qarap, ofıtser bolýdy armandapty. Alaıda keıin ol óner jolyn tańdady.

«Álbette, eń birinshi kezekte qujattalǵan vıdeokadrlardy Baıqońyrdyń kúnine oraı ǵaryshkerler jáne Baıqońyrda eńbek etken dostaryma, Qazaqstannyń ǵarysh salasynda eńbegin jalǵastyryp jatqan tanystarym men tóretamdyqtarǵa joldadym», - deıdi Jeńis Seıdollýuly.

Kompozıtordyń aıtýynsha, Baıqońyr – álemdik ǵarysh salasynyń besigi ispettes. Jeńis Seıdollauly jerlesterin meremeken quttyqtap, Baıqońyrdyń ary qaraı gúldene berýin tiledi.