«Baıqońyr» keshenin jalǵa alǵan jyldarda bıýdjetke qansha qarajat tústi

NUR-SULTAN. QazAqparat – Parlament Májilisiniń jalpy otyrysynda «1994 jylǵy 10 jeltoqsandaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy «Baıqońyr» keshenin jalǵa berý shartyna ózgeris engizý týraly hattamany ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

«Baıqońyr» kesheni Reseı Federatsııasynyń jalǵa alýy jaǵdaıynda 20 jyldan astam ýaqyt boıy jumys istep keledi.

«Jalǵa berý týraly sheshim 1994 jyly qabyldandy, bul kezde Qazaqstannyń aýyr ekonomıkalyq jaǵdaıda «Baıqońyr» ǵarysh aılaǵyn ustaý jáne paıdalaný múmkindigi bolmaǵan edi. Jasalǵan jaldaý shartyna sáıkes, Reseı Baıqońyr qalasy men ǵarysh aılaǵyn óziniń ǵaryshtyq baǵdarlamalaryn oryndaý úshin paıdalaný quqyǵymen ustaý jóninde ózine mindetteme aldy. Jalǵa berý shartyna sáıkes «Baıqońyr» kesheni jalǵa berý merzimin kelesi 10 jylǵa uzartý múmkindigimen Reseı Federatsııasyna 20 jylǵa jalǵa berildi», - dep toqtaldy Tsıfrlyq damý, ınnovatsııalar jəne aeroǵarysh ónerkəsibi mınıstri Baǵdat Mýsın.

Onyń aıtýynsha, jalǵa berý shartynan basqa «Baıqońyr» kesheniniń qyzmet etýiniń túrli máselelerin retteıtin taǵy 70-ke jýyq halyqaralyq sharttarǵa qol qoıyldy.

«Baıqońyr» ǵarysh aılaǵy saqtalyp, oıdaǵydaı jumys isteýde. Respýblıkalyq bıýdjetke jyl saıyn «Baıqońyr» keshenin paıdalanǵany úshin 115 mln AQSh dollary somasynda jal aqy túsedi. «Baıqońyr» keshenin jalǵa alǵan 27 jyl ishinde respýblıkalyq bıýdjetke shamamen 3,1 mlrd AQSh dollary tústi. Taraptardyń ózara múddelerin eskere otyryp, 2004 jyly «Baıqońyr» keshenin jalǵa alý merzimi 2050 jylǵa deıin uzartyldy. Bul rette 2004 jylǵy 9 qańtardaǵy «Baıqońyr» keshenin tıimdi paıdalaný jónindegi yntymaqtastyqty damytý týraly memleketaralyq kelisimde Qazaqstannyń ǵarysh aılaǵynda birlesken jobalardy iske asyrýǵa qatysý múmkindikteri, sondaı-aq ǵarysh aılaǵyn jańǵyrtý, jańa ekologııalyq qaýipsiz ǵarysh zymyran keshenderi arqyly ǵarysh aılaǵy qyzmetiniń ekologııalyq qaýipsizdigin arttyrý kózdelgen», - dedi mınıstr.

2020 jylǵy qańtarda qol qoıylǵan Baıqońyr qalasyn damytýdyń uzaq merzimdi baǵdarlamasy ázirlendi jáne iske asyrylýda. Ol kásipkerlikti, týrızmdi damytýdy, ınjenerlik ınfraqurylymdy jáne turǵyn úı-kommýnaldyq sharýashylyqty jańǵyrtý jónindegi jumystardy júrgizýdi, qoljetimdi turǵyn úımen qamtamasyz etýdi kózdeıdi.