Baıqońyr qalasynda soǵys qurbandaryn eske aldy
04:28, 23 Maýsym 2016
ASTANA. QazAqparat - 21-22 maýsymynda Baıqońyr qalasynda Uly Otan soǵysynda qaza tapqandardy eske alý qurmetine Eske alý jáne aza tutý kúnine arnalǵan is-sharalar ótkizildi, dep habarlaıdy Qazǵaryshtyń baspasóz qyzmeti.
Qalanyń ortalyq alańynda Uly Otan soǵysynyń bastalǵanyna 75 jyl tolýyna oraı «Eske alý shyraǵy» jalpy qalalyq aktsııasy ótti, Ortalyq mádenıet jáne demalys parkinde Uly Otan soǵysyndaǵy Jeńistiń 50 jyldyǵyna arnalǵan eskertkish janynda Eske alý jáne aza tutý kúnine oraı mıtıng ótkizildi.
Atalǵan is-sharalarǵa Uly Otan soǵysynyń ardagerleri, Baıqońyr qalasy ákimshiliginiń basshysy jáne «Baıqońyr» kesheninde jumys istep jatqan Qazaqstan men Reseı uıymdarynyń ujymdary qatysty.
Esterińizge salsaq, 22 maýsym burynǵy KSRO elderiniń kúntizbesine resmı eske alý datasy retinde - Eske alý jáne aza tutý kúni bolyp engizilip otyr.