Baıqońyr qalasynda aktsız salyǵyna ózgerister endi
«Baıqońyr qalasynyń mártebesi jáne ondaǵy atqarýshy organdardy qurýdyń tártibi men olardyń mártebesi týraly» 1995 jylǵy 23 jeltoqsandaǵy QR men RF arasyndaǵy kelisimge engizilgen ózgeristerge baılanysty, hattama Qazaqstan Respýblıkasynyń 2016 jylǵy 24 qarashadaǵy №22V1 Zańymen kúshine endi.
Osy kelisimniń 12-1 babyna sáıkes, Baıqońyr qalasynyń salyq organynda tirkelgen jeke kásipkerler nemese zańdy tulǵalar, Qazaqstan Respýblıkasynyń basqa aýmaǵynda tirkelgen jeke kásipkerler nemese zańdy tulǵalar arasynda jasalatyn taýarlardy ótkizý aınalymdary bolǵan jaǵdaıda, Baıqońyrdan QR ózge aýmaǵyna taýarlar áketiletin, eldiń ózge aýmaǵynan qalaǵa taýarlar ákelinetin jaǵdaıda nóldik stavka boıynsha qosymsha qun salyǵy jáne aktsızdeletin taýarlarǵa qatysty aktsızder tóleýden bosatylady.
Memlekettiń negizgi tiregi salyq máselesi týraly Memleket basshysy óziniń Ult jospary - bes ınstıtýtsıonaldyq reformany júzege asyrý jónindegi 100 naqty qadam atty tarıhı eńbeginde birneshe márte toqtalyp ótedi. Ondaǵy 43-44-45 qadamdarda: Salyq deklaratsııalaryn qabyldaý jáne óńdeýdiń ortalyq jelisin qurýdy tapsyrady. Sonymen birge ortalyq salyq tóleýshilerdiń elektrondy qujattarynyń biryńǵaı muraǵatyna kirý múmkindigine ıe bolatynyn eskertedi...
Janama salyq salý tetikterin jetildirý men qosymsha qun salyǵynyń ornyna satýdan salyq alýdy engizý máselesin jan-jaqty zertteý mindeti qoıyldy. Munan ózge kiriske jáne shyǵysqa salyq esebin mindetti túrde engizý arqyly qoldanystaǵy salyq rejimin ońtaılandyrý máselesi naqty aıtyldy.
QR zańnamasyna sáıkes ákelý kezinde salyq salynýǵa jatpaıtyn taýarlardy qospaǵanda, Baıqońyr qalasynyń aýmaǵynan QR ózge aýmaǵyna taýarlar ákelýge QR salyq organdary óndirip alatyn jáne QR bıýdjetine tólenetin janama salyqtar QR Salyq kodeksinde belgilengen stavkalarmen salynady.
QR ózge aýmaǵynan Baıqońyr qalasynyń aýmaǵyna taýarlar ákelýge RF zańnamasyna sáıkes RF aýmaǵyna jáne onyń ıýrısdıktsııasynda bolatyn ózge aýmaqqa ákelý kezinde salyq salýǵa jatpaıtyn taýarlardy qospaǵanda, Baıqońyr qalasynyń salyq organy óndirip alatyn Reseı Federatsııasynyń Salyq kodeksinde belgilengen stavkalar boıynsha janama salyqtar salynady.