Baıqońyr ǵarysh aılaǵynda One Web spýtnıkterin ushyrýǵa daıyndyq jumystary aıaqtalyp qaldy

BAIQOŃYR. QazAqparat - Baıqońyr ǵarysh aılaǵynan kelesi ushyrylym 2022 jyldyń 5 naýryzyna josparlanǵan, dep habarlaıdy QazAqparat tilshisi.

Bul eýropalyq One Web spýtnıkteriniń kelesi ushyrylymy bolmaq.

Biraq Roskosmos Eýropalyq Odaqtyń sanktsııalaryna jaýap retinde Frantsýz Gvıanasyndaǵy Kýrý ǵarysh aılaǵynan ushyrylymdardy uıymdastyrýda eýropalyq seriktestermen yntymaqtastyqty toqtatqanyn jarııalaýyna baılanysty Baıqońyrdan aldaǵy ushyrylym týraly suraq týyndady.

Baıqońyr ǵarysh aılaǵynyń málimetinshe, OneWeb spýtnıktik shoqjuldyzymen «Soıýz 2.1b» zymyran-tasymaldaǵyshyn ushyrýǵa daıyndyq sońǵy kezeńde. Birneshe kúnnen keıin memlekettik komıssııanyń sheshiminen keıin zymyrandy «Vostok» ushyrý keshenine jetkizý kerek.

One Web spýtnıkteriniń kezekti partııasymen «Soıýz 2.1b» zymyran-tasymaldaǵyshynyń ushyrylýy 2022 jylǵy 5 naýryzda Nur-Sultan ýaqyty boıynsha saǵat 04:41-de «Baıqońyr» ǵarysh aılaǵynyń 31-shi alańynan ushyrylady dep josparlanǵan.