Baıqońyr ǵarysh aılaǵynda eki sheteldik ustaldy
11:28, 08 Mamyr 2022
BAIQOŃYR. QazAqparat – «Roskosmos» basshysy Dmıtrıı Rogozın 2022 jyldyń 7 mamyrynda Baıqońyr ǵarysh aılaǵynyń jabyq aýmaǵynda eki shetel azamatynyń ustalǵanyn málimdedi, dep habarlaıdy QazAqparat tilshisi.
Rogozın óziniń Telegram kanalynda bylaı dep jazdy: «Máskeý ýaqytymen saǵat 18.10-de «ıÝjnyı» ǵarysh ortalyǵynyń (Baıqońyr) 112 ushyrý alańy aýdanynan (Qazaqstannyń «Boran» keshenine tıesili) Ulybrıtanııa azamaty Rıch Bendjamın men Belarýs azamatshasy Zelýpa Alınanyń ustalǵany týraly baıandama tústi. Ekeýi de Baıqońyr qalalyq ІІB-de. Tergeý júrip jatyr».
Belgili bolǵandaı, Rıch Bendjamın - tanymal brıtandyq saıahatshy bloger, onyń janyndaǵy áıel - serigi.
Basty sýret: netwind.ru