Baıqońyr ǵarysh aılaǵy bıylǵy sońǵy ushyrylymǵa daıyndalýda

BAIQOŃYR. QazAqparat - EchoStar 21 («EkoStar-21») ǵarysh baılanys qurylǵysyn ushyrý úshin «Brız-M» údetkishi men «Proton-M» tasyǵysh zymyrany (TZ) 2016 jyldyń 22 jeltoqsanynda jiberiledi, dep habarlaıdy «QazAqparat» tilshisi.

2016 jyldyń 27 qarashasy kúni ǵarysh aılaǵynyń 92A-50 alańyna údetkishi bar tasyǵysh zymyrany jiberildi. Jóndeý-synaý ǵımaratynda tasyǵysh zymyrandy qurastyrý jumystary, údetkishti tekserý men basqa da josparlyq tehnologııalyq operatsııalar júrgiziledi, dep habarlaıdy Reseıdiń ǵarysh kompanııasynyń baspasóz qyzmeti.

EchoStar 21 serigin «Proton»  tasyǵysh zymyrany kómegimen ushyrý týraly kelisimshartty M.V.Hrýnıchev atyndaǵy ortalyqtyń enshiles kompanııasy - International Launch Services Inc. (ILS) reseı-amerıkandyq kásiporny jasady.

EchoStar 21 - EchoStar Corporation (AQSh) seriktik baılanys jetekshi jahandyq operatorynyń tapsyrysymen Space Systems/Loral kompanııasy jasaǵan myqty geostantsıonarlyq seriktik baılanysy.

EchoStar 21 Eýropa aýmaǵynda uıaly baılanys qyzmetin kórsetýge arnalǵan. EchoStar 21 «Proton»  tasyǵysh zymyrany kómegimen ushyrylǵan EchoStar orbıtalyq tobynyń altynshy serigi bolýy tıis. Roskosmos EchoStar 21  amerıkandyq jerseriktik baılanysynyń jiberilýimen 2016 jyly Baıqońyr ǵarysh aılaǵynyń ushyrý baǵdarlamasyn aıaqtaıdy.