Baıqońyr 2019 jylǵy alǵashqy ushyrylymǵa ázirlik júrgizýde

BAIQOŃYR. QazAqparat - Baıqońyr ǵarysh aılaǵynan kezekti ushyrylym 2019 jyldyń 4 sáýirine belgilengen, dep habarlaıdy «QazAqparat» HAA tilshisi.

Ushyrylymǵa bortynda «Progress MS-11» kóliktik júk kemesi bar «Soıýz-2.1a» zymyran-tasyǵyshy ázirlenýde. Bul, 2019 jyly Halyqaralyq ǵarysh stansasyna (HǴS) ushyrylatyn alǵashqy ǵarysh kemesi bolmaq.

«Baıqońyr ǵarysh aılaǵynda reseılik «Energııa» ǵarysh korporatsııasynyń mamandary «Progress MS-11» júk kemesine janarmaı jáne syǵymdalǵan gaz toltyrý jumystaryn sátti oryndady. Janarmaı quıýdan keıin keme montajdyq-synaq keshenine jetkizilip, ázirliktiń sońǵy operatsııalaryna arnalǵan stapelge ornatyldy», - dep habarlaıdy Reseı ǵarysh korporatsııasynyń baspasóz qyzmetinen.

Ǵaryshtyq júk kóligi HǴS-qa janar-jaǵarmaı, sý jáne basqa da júkterdi jetkizýi tıis.