Baıqońyrda qazaqtildi balabaqsha ashylyp, mektep salynady

<p>Baıqońyr qalasynda qazaqtildi balabaqsha men mektep salynady. Bul týraly &laquo;Jibek Joly&raquo; telearnasynyń &laquo;Ýáde&raquo; baǵdarlamasyna suhbat bergen Qyzylorda oblysynyń ákimi Nurlybek Nálibaev aıtty, dep habarlaıdy <a href="https://kaz.inform.kz/news/tennisten-ach-kazakstan-sloveniyani-zhengenmen-keles-kezenge-ote-almadi-8906e4/Kazinform" target="_blank" rel="noopener">Kazinform.</a></p>

«Baıqońyrda qazaq mektebi osydan 4-5 jyl buryn salynyp, paıdalanýǵa berilgen. Aýrýhana da salyndy. Ol oblystyq densaýlyq saqtaý basqarmasyna, al mektep Qarmaqshy aýdanyna qaraıdy. Qalada ınfraqurylym tozǵan. Sol úshin Úkimetpen birlesip, káriz júıesin jańartyp jatyrmyz. Týrıster kóp keledi. Solarǵa jaǵdaı jasaý maqsatyda ınvestorlardy aparyp, qonaqúı salýdamyz. Qala ákimshiligimen birlesip jumys isteımiz. Ol 2-3 aıda maǵan kelip, qaladaǵy jaǵdaıdy baıandaıdy. Ózim de baryp turamyn», — dedi Nurlybek Nálibaev. 

Sonymen qatar ol taıaýda ótken Respýblıka kúni aıasynda Baıqońyr qalasynyń kóshelerine Mánshúk Mámetovanyń, Baýyrjan Momyshulynyń aty berilgenin atap ótti.

«Qalada Reseıdiń menshigi bolyp kelgen, jaǵdaıy nashar birneshe balabaqsha bar edi. Olardy da memlekettik menshikke qabyldap jatyrmyz. Kúrdeli jóndeýden ótkizip, qazaqtildi balabaqshalardy ashamyz. Memleket basshysynyń qoldaýymen óńirde jalpy quny 98 mlrd teńgeni quraıtyn 21 jaıly mekteptiń qurylysy bastaldy. Bireýin Baıqońyrdan salaıyn dep jatyrmyz. Qazaq tilinde bolady. Ol qalada bizdiń azamattarymyz kóp. Qalada 600 balaǵa arnalǵan qazaqtildi mektep jumys istep tur. Qazaqsha da, oryssha da bilim alýǵa eshqandaı kedergi joq», — dedi Nurlybek Nálibaev. 

Óńir basshysynyń aıtýynsha, Baıqońyr qalasyna kirip-shyǵý da jeńildetilgen.

«Buryn qalaǵa kirip-shyǵýdyń ózi qıyn edi. Aldyn ala ruqsat alý qajet bolatyn. Qazir ondaı kedergi joq. Kedergilerdi alyp tastaǵanymyzǵa 3-4 aı boldy», — dedi oblys ákimi.