Baıqaýshylar SQO saılaý ýchaskeleriniń daıyndyǵymen tanysty

PETROPAVL. QazAqparat – Búgin Soltústik Qazaqstan oblysy boıynsha Qazaqstannyń Azamattyq alıansy, «Áıelder kúshteriniń Alıansy» QB, «SQO Іsker áıelder qaýymdastyǵy» QB, «Rýh. Til» QB, Soltústik Qazaqstan oblysynyń aýmaqtyq kásipodaqtar birlestigi ókilderiniń baıqaýshylary Petropavl qalasynyń aýmaǵyndaǵy saılaý ýchaskelerinde bolyp, 10 qańtarda ótetin Qazaqstan Respýblıkasy Parlamenti Májilisi men máslıhattar depýtattarynyń saılaýyna ýchaskelerdiń daıyndyǵymen tanysty, dep habarlaıdy QazAqparat.

Oblysta baıqaýshylarmen úlken daıyndyq jumystary júrgizildi. Olardyń árqaısysy aldaǵy saılaý máseleleri boıynsha oqytýdan ótti. Oqytý «SQO Azamattyq Alıansy» ZTB-de uıymdastyryldy.

Barlyq baıqaýshylarǵa ádistemelik materıaldar (bloknot, baqylaýshynyń jadynamasy, baqylaýshynyń quqyqtary men mindetteri) berildi.

Bul jumystyń basty mindeti – daýys berý, qorytyndy shyǵarý rásimin qadaǵalaýshylar ınstıtýtyn qalyptastyrý, saılaý barysyna azamattyq qoǵamdyq baqylaýdy qamtamasyz etý.