Baıqaýshy: Saılaý ótkizýdiń negizgi talabynyń biri – ashyqtyq pen ádildik

NUR-SULTAN. QazAqparat - Saılaý ótkizýdiń negizgi talabynyń biri – ashyqtyq pen ádildik. QR Kásipodaqtar federatsııasy baıqaýshylarynyń Nur-Sultan qalasy boıynsha aımaqtyq shtabynyń múshesi, bastaýysh kásipodaq uıymynyń múshesi Zeınegúl Bazanova osyndaı pikir aıtty, dep habarlaıdy QazAqparat tilshisi.

«Biz saılaýǵa baqylaýshy retinde qatysamyz. Saılaýdy ótkizýdiń basty talaby – ashyqtyq pen ádildik. Saılaý qoldanystaǵy zańnamaǵa jáne Qazaqstan Respýblıkasynyń Konstıtýtsııasyna sáıkes ashyq túrde ótýi kerek. Saılaý táýelsiz jáne erkin ótedi dep senemin. Meniń oıymsha, eger depýtattar eńbek adamynyń quqyǵyn qorǵap, olarǵa qamqorlyq jasasa - el órkendeıdi «, - deıdi ol.

QR KF baıqaýshylarynyń Nur-Sultan qalasy boıynsha aımaqtyq shtabynyń múshesi, «Senim» densaýlyq saqtaý júıesi jumyskerleriniń salalyq kásiptik odaǵy» RQB astanalyq fılıalynyń tóraǵasy Rýslan Satyvaldeev qazirgi ýaqytta barlyq derlik medıtsınalyq uıymdarda kásipodaqtar qurylǵanyn aıtty.

«Aldyn ala júrgizilgen jumystar kórsetkendeı, jumys berýshiler saılaý komıssııasyna qysym jasamaıdy. Bul saıasat jalǵasatyn bolady. Qazirgi kezde bizdiń tarap búkil el boıynsha 100-ge jýyq baıqaýshy qatysatyn 248 saılaý ýchaskesin qurdy. Bul baıqaýshylar qabyldanady dep oılaımyn», - deıdi ol.