Báıdibek aýdanynyń jetistigi jaıly kitap jaryq kórdi

BÁIDІBEK. QazAqparat – Qazaqstan Respýblıkasy máslıhattarynyń qurylǵanyna 25 jyl tolýyna oraı Túrkistan oblysynyń Báıdibek aýdanynda jańa kitap jaryq kórdi. «Shırek ǵasyr shejiresi» atty kitapta aýdandyq máslıhat depýtattarynyń el aldyndaǵy qyzmeti men elge sińirgen eńbekteri týraly jan-jaqty málimet berilgen, dep habarlaıdy QazAqparat tilshisi.

Jańa kitaptyń tusaýkeserine arnalǵan jıyn aýdandyq ákimdikte ótti. Oǵan aýdandyq máslıhattyń 25 jyldyǵyna arnaıy daıyndalǵan beınerolık kórsetildi. Basqosýda aýdan ákimi Baqytbek Tanagózov pen «Nur Otan» partııasy aýdandyq fılıaly tóraǵasynyń birinshi orynbasary Tursynáli Dúısenbekov, Qazaqstan jazýshylar odaǵynyń múshesi, depýtat Baǵdat Qalaýbaı men Qazaqstannyń qurmetti jýrnalısi Serikbaı Turjan qatysty.

Saltanatty shara barysynda aýdandyq máslıhattyń altynshy shaqyrylymynyń depýtattary Qazaqstan Respýblıkasynyń máslıhattaryna 25 jyl merekelik medalimen marapattaldy.

Aıta keteıik, jańadan jaryq kórgen kitapta elimizdiń Tuńǵysh Prezıdenti Nursultan Nazarbaev, Qazaqstan Respýblıkasynyń Prezıdenti Qasym-Jomart Toqaev, Túrkistan oblysynyń ákimi Ómirzaq Shókeev, Túrkistan oblysy máslıhatynyń hatshysy Qaırat Balabıev, aýdan ákimi Baqytbek Tanagózov pen aýdandyq máslıhattyń hatshysy Muqadas Naqypbekovtiń alǵy sózderi berilgen. Túrli-tústi sýrettermen bezendirilgen jınaqta shırek ǵasyrda atqarylǵan jumystar jaıly jan jaqty jazylǵan.