Báıdibek aýdanynda «Táýelsizdik - máńgi uranym» atty shara ótti - OQO

ShYMKENT. QazAqparat - Ońtústik Qazaqstan oblysynyń Báıdibek aýdanynda el Táýelsizdiginiń 25 jyldyǵyna oraı aıtýly sharalar ótýde. Solardyń biri - sporttyq jarystar, dep habarlaıdy aýdan ákimdiginiń baspasóz qyzmeti.

Atap aıtqanda, Qazaqstan Respýblıkasy Táýelsizdiginiń 25 jyldyǵyna oraı "Uly dala eli - Táýelsizdiktiń 25 negizi" aıasyndaǵy «Bilim» kúnine oraı aýdandyq jastar saraıynda 25 jyl ustazdyq etken ulaǵatty ustazdardyń eńbegin baǵalaý maqsatynda «Táýelsizdik - máńgi uranym» atty is-shara uıymdastyryldy.

Merekelik shara barysynda aýdan ákiminiń orynbasary N.Aıtbekov ustazdardy aýdan ákimi atynan quttyqtap, aýdan ákiminiń alǵys hatymen marapattady. Sonymen qatar jıynda aýdandyq máslıhat apparatynyń basshysy T.Maqulbekov, aýdandyq «Alǵabas» gazetiniń redaktory B.Qalaýbaı, aýdandyq bilim bóliminiń bas mamany A.Arynbekov, aýdandyq bilim bóliminiń kásipodaq tóraıymy S.Ámzeevalar sóz sóılep, ustazdardy marapattady. Sonymen qatar, aýdandyq sport kesheninde Qazaqstan Respýblıkasy Táýelsizdiginiń 25 jyldyǵyna arnalǵan saltanatty merekelik is-shara ótti. Іs-sharada aýdan ákimi Baqytbek Tanakózov aýdan turǵyndaryn Táýelsizdik 25 jyldyǵy merekesimen quttyqtap, sala boıynsha jyl úzdikterin marapattady.

El Táýelsizdiginiń 25 jyldyǵyna arnalǵan búgingi merekege arnaıy qatysqan Ońtústik Qazaqstan oblysy boıynsha kóliktik baqylaý ınspektsııasynyń basshysy Bekseıitov Rýslan Pernebekuly men Táýelsizdik qurdastary atynan Ó.Sarypbekov sóz alyp,  aýdan turǵyndaryn  quttyqtady. Sondaı-aq aýdandyq máslıhat hatshysy M.Naqypbekov bir top azamattardy oblystyq jáne aýdandyq máslıhattyń alǵys hatymen marapattady.

Mereke sońy kontserttik baǵdarlamamen jalǵasty.