Báıdibek aýdanynda aýyldardaǵy klýb qyzmetkerleriniń semınar - keńesi ótti
Bəıdibek aýdanynda bolǵan basqosýda aýyl turǵyndaryna mádenı qyzmet kórsetýdi jaqsartý men mádenıet mekemeleriniń shyǵarmashylyq, uıymdastyrýshylyq jumystaryn jáne kásibı biliktiligin kóterý máseleleri sóz boldy, dep habarlaıdy QazAqparat tilshisi.
Elbasy N.Ə.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda ótken sharada qazirgi zaman talabyna saı klýb jumystarynyń jańa ınnovatsııalyq túrleri men tehnologııasyn meńgerý, olardy keńinen paıdalaný jaıy talqylandy. Halyq shyǵarmashylyǵyn damytý maqsatynda ótkizilgen basqosýda halyqtyń bos ýaqytyn tıimdi paıdalanýdaǵy aýyldyq klýbtardyń róli men orny aıtyldy. Búgingi tynysy men elge mədenı qyzmet kórsetý taqyryptary aıasynda baıandamalar oqylyp, qatysýshylar kókeıdegi kóptegen saýaldary men pikirlerin ortaǵa saldy. Mədenıet oshaqtarynda úıirme jumystaryn jandandyrýmen qatar, salt-dəstúrdi keńinen nasıhattaıtyn sharalar da turaqty qolǵa alynýy qajettigi aıtyldy.
Semınar sońynda aýyldyń mədenı kelbetin tanytatyn qolóner jəne qylqalam ıeleriniń týyndylarynan quralǵan kórme uıymdastyrylyp, kópshilik nazaryna usynyldy. Sondaı-aq Ekpindi aýyldyq klýbynyń kórkemónerpazdary «Tusaýkeser» sahnalyq kórinisin kórsetti.