Báıdibek APB qyzmetkerleri kitaphanada jastarmen tárbıelik máni zor is-shara ótkizdi

BÁIDІBEK. QazAqparat - Báıdibek APB JPQ ıÝvenaldy polıtsııa tobynyń aımaqtyq polıtsııa ınspektory polıtsııa kapıtany J.Myrzabekova Shaıan aýylynda ornalasqan «Shaıan» kópsalaly lıtseı-jalpy orta mektebiniń kitaphana qyzmetkerlerimen birlesip, mekteptiń kitaphanasynda kezdesý ótkizdi, dep habarlaıdy QazAqparat PD-niń baspasóz qyzmetine silteme jasap.

Kezdesýdiń basty maqsaty – oqýshylarǵa rýhanı-adamgershilik qundylyqtar men jasóspirimderdi tárbıeleýde oı sanasyn damytýǵa kitap oqýdyń qosatyn úlesi týraly jetkizip, kámelet jasqa tolmaǵandar arasynda quqyq buzýshylyqtardyń aldyn alý bolyp tabylady.

Іs-shara barysynda bilimniń qaınar bulaǵy kitap ekeni jastarǵa jiti túsindirilip, árbir jasóspirim kitappen dos bolsa, bolashaqta kózi ashyq, kókiregi oıaý, minez-qulyqty qalyptastyra alatyn jáne ar-uıat, ózin-ózi basqara bilý men men baǵalaý, sondaı-aq jaman ádetten arylyp, kórkem tárbıe ıesi bolatyny aıtyldy. Polıtseıler jetkinshekterge kitaphanaǵa jıi kelip, kitap oqyp turýǵa keńes berdi. Sonymen qatar, «Rýhanı adamgershilik tárbıe-rýhanı jańǵyrýdyń basty baǵdary» atty kezdesýde oqýshylarǵa kitaptar kórmesi tanystyryldy.

Jalpy jasóspirimder arasyndaǵy qylmysty boldyrmaýda, aldyn alýda osyndaı erekshe kezdesýlerdiń bereri mol. Sebebi bala, qulaqpen estip qana qoımaı, kózben kórip, qoǵamdyq tynyshtyqty saqtaýda aıanbaı eńbek etip júrgen tártip saqshylarymen tildesip, kózben kórip, jaqsy jaǵynan oı túıindeıdi. Alǵa umtylyp, bolashaqta eldiń eleýlisi bolýǵa umtylady. Sondyqtan da bundaı kezdesýler Túrkistan oblysy polıtseıleri tarapynan turaqty túrde uıymdastyrylyp turady.