Baıdenniń uly rýmyndyq olıgarhtan para aldy degen kúdikke ilindi

<p>ASTANA. KAZINFORM &ndash; Arnaıy prokýror Vens AQSh Prezıdentiniń uly Hanter Baıdendi rýmyndyq olıgarhtan 3 mıllıon dollar aldy dep aıyptady. Hanter bul aqshany amerıkalyq vedomstvolarǵa yqpal etý úshin paıdalanýǵa ýáde bergen. Bul týraly arnaıy prokýratýra málimdedi, dep jazady <a href="https://www.dw.com/ru/v-ssa-syna-bajdena-obvinili-v-polucenii-vzatki-ot-rumynskogo-oligarha/a-69892296" target="_blank" rel="noopener">DW</a>.</p>

7 tamyz, sársenbi kúni Amerıka Qurama Shtattarynda arnaıy prokýror Devıd Vaıstyń keńsesi prezıdent Djo Baıdenniń uly Hanter men onyń isker seriktesterin amerıkalyq memlekettik vedomstvolarǵa yqpal etý ýádesimen rýmyndyq olıgarhtan 3 mıllıon dollar aldy dep aıyptady. Bul týrady Amerıkandyq ABC News medıa kompanııasy habarlaǵan.

Arnaıy prokýratýranyń sotqa bergen materıaldaryna sáıkes, rýmyn kásipkeri Gabrıel Popovıchıý 2015 jyly Hanter Baıdendi zańgerlik tapsyrmalardy oryndaý úshin jaldaǵan. Osydan keıin olıgarhqa óz elinde jemqorlyq jasady degen aıyp taǵyldy.

Sot otyrystarynda AQSh prezıdenti Baıdenniń uly Popovıchıýden amerıkandyq bılikke yqpal etýge ýáde bergeni úshin aqsha alǵanyn rastaıtyn dálelder usynylǵan. Óz kezeginde Rýmynııada Popovıchıýǵa taǵylǵan aıyptar boıynsha tergeý júrgiziletini aıtyldy.

Hanter Baıden buǵan deıin 2016-2020 jyldar aralyǵynda jalpy somasy 1,4 mıllıon dollardy quraıtyn salyq tóleýden jaltarǵan úsh fakti boıynsha aıyptalǵan bolatyn. Prezıdenttiń uly keıinnen aıyppuldarmen birge bul somany tóledi.