Baıden «Mılton» daýylyna baılanysty shetelge saparyn keıinge qaldyrdy

<p>ASTANA. KAZINFORM &ndash; AQSh prezıdenti Djo Baıden Florıdaǵa &laquo;Mılton&raquo; daýylynyń jaqyndaýyna baılanysty osy aptada Germanııa men Angolaǵa josparlanǵan saparyn keıinge qaldyrdy. Bul týraly <a href="https://russian.news.cn/20241009/2a82fbd1397e4e75b5009194ad53dbc5/c.html" target="_blank" rel="noopener">Sınhýa</a> aqparat agenttigi habarlady.&nbsp;</p>

«Prezıdent Baıden «Mılton» daýylynyń boljamdy traektorııasy men aýyrlyǵyn eskere otyryp, oǵan den qoıý sharalaryn jáne ońtústik-shyǵystaǵy «Helen» daýylynan keıingi qalpyna keltirý jumystaryn qadaǵalaý úshin Germanııa men Angolaǵa saparyn keıinge qaldyrdy», - dep málimdedi Aq úıdiń baspasóz hatshysy Karın Jan-Per.

Prezıdent tańerteń Aq úıde bolyp, aldymen federaldy úkimettiń «Helen» daýylyn eleý jáne «Mılton» daýylyna daıyndyq jumystary týraly brıfıngini tyńdap, odan keıin osy jumys týraly jańartylǵan aqparat berdi. 

Aıta keteıik, Baıden beısenbi kúni Ýkraına qorǵanysy jónindegi baılanys tobynyń otyrysyna qatysý úshin Berlınge ushýdy josparlaǵan. Sodan keıin ol Angolaǵa sapar jasamaq boldy.

Eske salsaq, buǵan deıin «Mılton» daýylynyń Florıda jaǵalaýyna jaqyndaǵanyn jazǵan edik.