Baıden men Tramp Mıchıgandaǵy praımerızde jeńiske jetti

<p>ASTANA. KAZINFORM &mdash; Mıchıgan shtatynda ótken ishki partııalyq saılaýda (praımerız) prezıdent Djo Baıden men burynǵy prezıdent Donald Tramp jeńiske jetti. Bul týraly <a href="https://www.npr.org/2024/02/27/1233968408/trump-haley-biden-michigan-primary-uncommitted-2024-election" target="_blank" rel="noopener">NPR</a> basylymy jazdy.&nbsp;</p>

Negizgi kandıdattardyń ekeýi de osy ýaqytqa deıingi barlyq prezıdenttik saılaýda jeńiske jetken. 

Djo Baıden demokratııalyq saılaýshylardyń 79,8% qoldaýyna ıe boldy. Onyń qarsylastary: jazýshy jáne saıasatker Marıanna Ýılıamson 2,9% jáne AQSh Ókilder palatasynyń demokrat múshesi Dın Fıllıps 2,8% daýys jınady. 

Osy ýaqytqa deıin Donald Tramp respýblıkashyldar partııasynyń kandıdatýrasy úshin 6 prezıdenttik konkýsta jeńiske jetti. Onyń qalǵan basty qarsylasy — AQSh-tyń burynǵy elshisi Nıkkı Heılı áli birde-bir baıqaýda jeńiske jetken joq. 

Donald Tramp shtattaǵy qoldaýshylaryna alǵys bildirip, Mıchıgandaǵy nátıje úlken jeńis ekenin aıtty. 

AQSh-taǵy saılaý 2024 jyldyń 5 qarashasyna belgilengen. 

Aıta keteıik, Donald Tramp Nevada, Aıova, Nıý-Gempshır jáne Vırgın araldarynda ótken ishki partııalyq saılaýda senimdi túrde jeńiske jetti.