Baıden men Tramp Gaza máselesin birlesip sheshpek

<p>ASTANA.KAZINFORM &mdash; AQSh prezıdenti Djo Baıden Aqúıde eki saǵatqa sozylǵan kezdesýde AQSh-tyń jańa saılanǵan prezıdenti Donald Tramptan Izraıl men HAMAS arasyndaǵy atysty toqtatý úshin birlesip jumys isteýdi surady, dep jazady <a href="https://www.axios.com/2024/11/13/biden-trump-work-gaza-hostage-ceasefire-deal" target="_blank" rel="noopener">Axios.</a></p>

Djo Baıden sársenbi kúni Gazada tutqynǵa alynǵan amerıkalyqtardyń otbasy múshelerimen kezdesti. Ol óz kezeginde qyzmetindegi qalǵan eki aıyn Gazadaǵy jaǵdaıdy beıbitshilikke ákelgisi keletinin jetkizdi.

-Biz jańa komandamen ortaq maqsatta jumys isteýge, kepilge alynǵandardy bosatý úshin ujymdyq kúsh jumsaýǵa daıynbyz, — dedi Ulttyq qaýipsizdik jónindegi keńesshi Djeık Sallıvan.

Izraıl sheneýnikteri HAMAS áli de Gazada 101 adamdy kepilde ustap otyrǵanyn jáne olardyń keminde 50-i tiri ekenin aıtty.

Gaza densaýlyq saqtaý mınıstrliginiń málimetinshe, 43 myńnan astam palestınalyq qaza tapqan.

Buǵan deıin habarlaǵanymyzdaı Baıden men Tramp Aq úıde kezdesti.