Baıden Kalıfornııadaǵy órtti shtat tarıhyndaǵy eń joıqyn dep atady

<p>ASTANA.KAZINFORM - AQSh prezıdenti Djo Baıden Kalıfornııadaǵy 11 myń gektarǵa jýyq aýmaqqa jetken órtti shtat tarıhyndaǵy eń iri jáne eń joıqyn órt dep atady. Bul týraly ol beısenbi kúni baspasóz máslıhatynda málimdedi, dep jazady reseılik <a href="https://tass.ru/proisshestviya/22846551" target="_blank" rel="noopener">TASS.</a></p>

- Bul Kalıfornııa tarıhyndaǵy eń keń taralǵan jáne joıqyn órt, - dedi ol.

Baıden atap ótkendeı, AQSh bıligi órtti sóndirý úshin Kalıfornııaǵa qosymsha órt sóndirý ekıpajdary men ushaqtar jiberdi. Sondaı-aq Kanadadan órt sóndirý brıgadalary men órt sóndirý ushaqtary ákelindi, dedi ol.

AQSh prezıdenti qazirgi ýaqytta 360 myń adam evakýatsııalanǵanyn málimdedi.

Jýrnalısterdiń órtti qalpyna keltirýge ketken shyǵynǵa baılanysty suraǵyna Baıden naqty jaýap bermedi, biraq shyǵyn óte kóp bolatynyn aıtty.

Osyǵan deıin Los-Andjelestegi orman órtinen bes adam qaza bolǵanyn jazdyq.

Baıden Kalıfornııada orman órtine baılanysty apatty jaǵdaı jarııalady.

«Halyqaralyq baǵdarlamalar ortalyǵy» AQ Kalıfornııa shtatynda bolyp jatqan orman órtterine baılanysty qazaqstandyq stıpendıattardyń jaǵdaıy týraly habarlady.