Baıden Kalıfornııada orman órtine baılanysty apatty jaǵdaı jarııalady

<p>ASTANA. KAZINFORM &ndash; AQSh prezıdenti Djo Baıden Kalıfornııada kem degende bes adamnyń ómirin qıǵan orman órtine baılanysty Italııaǵa saparyn toqtatty. Sondaı-aq ol shtatta apatty jaǵdaı jarııalady. Bul týraly sársenbide Aq úıdiń baspasóz hatshysy Karın Jan-Per taratqan málimdemede aıtylǵan, dep habarlaıdy reseılik&nbsp;<a href="https://tass.ru/mezhdunarodnaya-panorama/22839231" target="_blank" rel="noopener">TASS </a>aqparat agenttigi.</p>

- Prezıdent Baıden búgin polıtsııa, órt sóndirýshiler jáne aımaqtaǵy tarıhı orman órtimen kúresip jatqan tótenshe jaǵdaılar qyzmetkerlerimen kezdesip, Kalıfornııada tótenshe jaǵdaı jarııalanǵannan keıin prezıdent Baıden keshke Los-Andjeleske oralyp, Italııaǵa aldaǵy saparyn toqtatýǵa sheshim qabyldady, - delingen qujatta.

Osyǵan dein Kalıfornııa bıligi orman órtinen qaza tapqandar sany bes adamǵa jetkenin jazdyq.

- Búgin biz eki adamnyń ólgeni týraly habarlaǵan edik. Ókinishke qaraı, olardyń sany bes adamǵa jetti, - dedi Los-Andjeles okrýginiń sherıfi Robert Lýna.

Onyń aıtýynsha, jalyn áli aýyzdyqtalǵan joq, zardap shekkender sany artýy múmkin.