Baıden Izraıl máselesine qatysty málimdeme jasady

<p>AQSh prezıdenti Djo Baıden telearna arqyly úndeý jasap, Izraıl men Ýkraınaǵa jáne AQSh-tyń ózge de odaqtastaryna kóptegen mıllıard dollar (Baıden jalpy somany naqtylamady, biraq aldyn ala aqparat boıynsha, 100 mlrd) bólýge ótinishti erteń Kongresske beretinin málimdedi. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://t.me/bbcrussian/54586" target="_blank" rel="noopener">VVS-ge silteme</a> jasap habarlaıdy.</p>

D.Baıdenniń sózinshe, bul teńdessiz paket Izraılge qarsylasynan áskerı sapa jaǵynan basym basym túsýge kómektesedi.

«Biz Izraıl áýesin kúzetetin «Temir kýpol» jumysyn qamtamasyz etemiz. Óńirdegi basqa jaýlar Izraıl qazir buryn-sońdy bolmaǵan kúshke ıe ekenin biletin bolady, buǵan ýáde beremiz. Jáne solaısha qaqtyǵys aýqymynyń ulǵaıýyn toqtatamyz», - dedi Baıden.

Sonymen qatar AQSh prezıdenti:

- Izraıl soǵys zańdaryn saqtap, beıbit turǵyndardy qorǵaý kerek ekenin;

- taraptar «eki memleket» (ızraıldik jáne palestınalyq) formýlasy boıynsha beıbit kelisimge kelý qozǵalysynan bas tartpaý keregin aıtty.

Eske salaıyq, 17 qazanda Gaza aýrýhanasyna áýeden soqqy jasalǵannan keıin D.Baıden Iordanııaǵa saparyn toqtatyp, dereý Izraılge ushyp shyqty. Amerıka prezıdenti Tel-Avıvte Izraıl premer-mınıstr Bınıamın Netanıahý jáne eldiń áskerı kabınetiniń múshelerimen kezdesýde AQSh Izraılge qoldaý kórsetýin jalǵastyratynyn aıtty.

Keıin Ýkraına men Izraıl máselelerine qatysty málimdeme jasaıtynyn atap ótti.

Keshe Izraılge Ulybrıtanııa premer-mınıstri Rıshı Sýnak bardy.

7 qazan kúni Palestınadaǵy HAMAS toby Izraılge shabýyl jasap, elder soǵys jaǵdaıyna kóshti.

Izraıl-Palestına qaqtyǵysy ýshyǵa bastaǵannan beri 3 478 palestınalyq pen 1 300 ızraıldik, sondaı-aq 13 jýrnalıst kóz jumdy.