Baıden daýyldan zardap shekken shtattar úshin 612 mıllıon dollar bólinetinin aıtty
«Alǵashqy kúnderi 2 mıllıonnan astam turǵyn úshin elektr jaryǵy qalpyna keltirildi. Úzdiksiz jumys isteıtin 43 shtat pen Kanadanyń on myńdaǵan elektr kompanııasy qyzmetkerleriniń arqasynda aldaǵy kúnderi odan da kóp adam elektr qýatyna ıe bolady. Búgin men Helen jáne Mılton daýyldarynan zardap shekken adamdarǵa kómek kórsetý úshin 612 mıllıon dollar bólingenin maqtanyshpen jarııalaımyn», – dedi Baıden.
Bul qarajat zardap shekken aýdandardy elektrmen jabdyqtaýdy qalpyna keltirýge, sondaı-aq oblystyń energetıkalyq júıesin jaqsartýǵa jáne tabıǵı apattarǵa tózimdi etýge baǵyttalatyny atap ótildi. Baıdennen keıin sóz sóılegen Energetıka mınıstri Djennıfer Grenholm shtattyń zaqymdalǵan elektr jelisiniń shamamen 75 paıyzy qalpyna keltirilgenin jáne barlyq jumys 15 qazan kúni keshke aıaqtalady dep josparlanǵan.
Aıta keteıik, AQSh-ta «Helen» daýyly qurbandarynyń sany 100-den asty.
«Mılton» daýyly báseńsidi, alaıda Florıdada 3 mıllıon adam jaryqsyz qaldy.
«Mılton» daýylynan qaza tapqan adamdar sany artty.
AQSh-ta daýyldan keıin qalqyp júrgen tońazytqyshqa jabysqan er adam qutqaryldy.