Baıden atysty toqtatý týraly málimdemesinen bas tartty

<p>ASTANA. KAZINFORM &ndash; AQSh prezıdenti Djo Baıden osy aptanyń basynda Izraıl men HAMAS arasyndaǵy atys jaqyn arada toqtaıtyny týraly málimdemelerinen bas tartty. Bul týraly <a href="https://www.aljazeera.com/news/liveblog/2024/3/1/israels-war-on-gaza-live-mass-shooting-of-aid-seekers-condemned-globally?update=2741791" target="_blank" rel="noopener">Aljazeera</a> jazdy.</p>

Aq úıde suhbat alǵan tilshi odan aldaǵy kúnderi kelisimge kelýge áli de úmit bar ma dep suraǵanda, ol bylaı dep jaýap berdi:

«Úmit máńgilikke sozylady. Men óńir turǵyndarymen telefon arqyly sóılestim. Dúısenbige deıin emes shyǵar, biraq men úmittenemin», – dep qosty Baıden.

Sodan beri HAMAS ókilderi Baıdenniń optımızmi «jerdegi shyndyqpen janaspaıdy» dep málimdedi.

Beısenbi kúni Izraıl premer-mınıstri Netanıahý «Soǵystaǵy barlyq maqsattarǵa qol jetkizbeı turyp ony toqtatý úshin halyqaralyq qysymdy qabyldamaıtynyn» aıtty.

«Bul qysymdar ósip, kúsheıip jatsa da, bizdiń kúsh-jigerimiz eń mańyzdy dıplomatııalyq arenada óz jemisin berýde, bul, árıne, Amerıka Qurama Shtattary», – dedi ol amerıkalyqtardyń 82 paıyzy Izraıl men Gaza arasyndaǵy soǵysty qoldaıtynyn kórsetken keıbir qoǵamdyq saýalnamalarǵa silteme jasaı otyryp.