Baıden áskerı qyzmetshilerdiń jalaqysyn kóterý týraly zańǵa qol qoıdy

<p>ASTANA. KAZINFORM &ndash; AQSh prezıdenti Djo Baıden Qorǵanys salasyna qatysty zańǵa qol qoıdy. Ol qujat kishi quramdaǵy ásker qyzmetshilerdiń jalaqysyn kóterýdi jáne transgender áskerı qyzmetshilerdiń balalaryn emdeýge tyıym salýdy qarastyrady, dep habarlaıdy&nbsp;<a href="https://www.inform.kz/" target="_blank" rel="noopener">Kazinform</a> tilshisi <a href="https://www.military.com/daily-news/2024/12/24/biden-signs-defense-bill-junior-enlisted-pay-hike-ban-treatments-transgender-military-kids.html" target="_blank" rel="noopener">Military.com </a>saıtyna silteme jasap.</p>

AQSh Prezıdenti «Áskerı qyzmetshilerdiń jalaqysyn kóterý jáne 2025 qarjy jylynyń ulttyq qorǵanysyna ruqsat etý týraly» zańǵa qol qoıdy (H.R. 5009 zańy). Atalǵan zań Qorǵanys, Energetıka, ulttyq qaýipsizdikti baǵdarlamalaý, Memlekettik departament pen Іshki qaýipsizdik mınıstrligi jáne barlaý qoǵamdastyǵyna qarjy bólýdi sanktsııalaıdy.

Zańǵa sáıkes, «E-1» — «E-4» (qyzmet etýi tıis ýaqyty jetkende birden beriledi) rangindegi áskerı qyzmetshilerge bólenetin qarjy 14,5% ósedi. Atalǵan sheshimge eki partııanyń da zań shyǵarýshylary daýys berdi. Sebebi ekipartııalyq komıssııa joǵarydaǵy sanattaǵy áskerı qyzmetshiler birinshi kezekte qajetti dúnıelerdi ázer alady, al olardyń qarjysy jeke sektordaǵy jalaqy men ınflıatsııaǵa jete almaıdy dep sheshken.

Ózge áskerı qyzmetshilerdiń jalaqysy jyldaǵydaı 4,5% kóterilse, tómengi quramdaǵy áskerı qyzmetshlerdiki 2025 jyldyń sáýirinen bastap 10% ósedi.

Respýblıkashyl Ókilder palatasy transgender áskerı qyzmetshilerdiń balalarynyń densaýlyǵyna bólinetin qarjynyń bir bóligin jabýǵa múmkindik beretin Tricare-ge (AQSh Qorǵanys mınıstrliginiń densaýlyq saqtaý baǵdarlamasy) tyıym salatyn erejeni sátti engizdi.

Djo Baıden zań jobasyna qol qoıylǵan soń Aq úı jarııalaǵan málimdemede Tricare-men baılanysty shekteýlermen túbegeıli kelispeıtinin jetkizdi.

Osyǵan deıin Donald Tramptyń AQSh armııasy qatarynan 15 myń transgender sarbazyn qýyp shyqqaly otyrǵanyn jazdyq.