Baıden 2025 jyldyń qańtaryn adam saýdasynyń aldyn alý aıy dep jarııalady

<p>ASTANA. KAZINFORM &mdash; AQSh prezıdenti adam saýdasyn &laquo;ujymdyq ar-ujdanymyzǵa daq&raquo; dep atady, dep habarlaıdy <a href="https://www.golosameriki.com/a/a-proclamation-on-national-human-trafficking-prevention-month-2025/7919495.html" target="_blank" rel="noopener">&laquo;Amerıka daýysy&raquo;</a>.</p>

Djo Baıden amerıkalyqtardy 27 mıllıonnan astam adamǵa áser etetin jahandyq daǵdarysqa qarsy turýǵa shaqyrdy.

— Adam saýdasy — bizdiń ujymdyq ar-ojdanymyzǵa tańba jáne adamnyń negizgi qadir-qasıetin qorlaý, — dedi Baıden dúısenbide jarııalanǵan málimdemesinde.

Prezıdent adam saýdasyna qarsy kúres jónindegi jańartylǵan Ulttyq is-qımyl josparyna qol qoıǵan 2021 jyldan beri óz ákimshiliginiń osy saladaǵy kúsh-jigerin atap ótti. Jospar qylmyskerlerdi qýdalaýǵa, qurbandardy qorǵaýǵa jáne halyqaralyq seriktestikti damytýǵa baǵyttalǵan.

— Ulttyq is-qımyl jospary adam saýdagerleriniń qoǵamdaǵy eń osal toptarǵa — násildik jáne etnıkalyq azshylyqtarǵa, áıelder men qyzdarǵa baǵyttalǵanyn moıyndaıdy, — dedi Baıden.

Ol 2022 jyly áıelderge qatysty zorlyq-zombylyq týraly zańnyń keńeıýin qosa alǵanda, eldegi negizgi jetistikterge toqtaldy. Zań jergilikti taıpalyq sottarǵa seksýaldy saýda jasady dep aıyptalǵandarǵa qatysty ıýrısdıktsııa berdi.

Buǵan deıin Djo Baıden amerıkalyqtardy sońǵy ret Rojdestvo merekesimen quttyqtady.