Baıbek: EKSPO qonaqtarynyń kóbi Almatyǵa soǵyp ketedi

ALMATY. QazAqparat - Almaty ákimi Baýyrjan Baıbek búgin saltanatty túrde ashylǵan Halyqaralyq týrıstik kórmeniń basty qonaqtarynyń biri boldy, dep habarlaıdy QazAqparat tilshisi.

Jıynnyń ashylýynda sóz alǵan Baýyrjan Baıbek bıylǵy kórmege 30 elden 500 qatysýshy kelgenin aıtty.

«Almaty byltyr ıÝNESKO aıasynda óziniń 1 000 jyldyǵyn atap ótti. Biz bıyl qysqy Ýnıversıadany ótkizdik. Biz elimizdiń týrıstik múmkindikterin kórsete aldyq. Bıyl 17-shi ret ótkizilip otyrǵan qazaqstandyq halyqaralyq kórme - aımaqtaǵy eń iri shara. Bıyl 30 elden 500 qatysýshy kelip otyr. Kórmeni bıyl 4 myń adam tamashalaıdy dep kútip otyrmyz. Týrızmge mán bergen elder óz ónimderin tanystyryp otyr. Qazaqstan da bul salada óz ornyn tabýǵa tyrysyp otyr. Qazaqstanǵa kelgen týrıster Almatyǵa soqpaı ketpeıdi. EKSPO-ǵa kelgen qonaqtardyń deni Almatyny kórmeı ketpeıdi dep oılaımyz», - dedi Almaty ákimi Baýyrjan Baıbek.

Qala basshysy kórmede Almatyny tanystyrǵan stendti tamashalady. Sonymen qatar, ákim sheteldik qatysýshylardyń stenderine joǵary baǵa berdi.