Baıbazarov sanktsııaǵa túsken qazaqstandyq kompanııalarǵa qatysty pikir bildirdi

<p>ASTANA. KAZINFORM &mdash; Premer-mınıstrdiń orynbasary &mdash; Ulttyq ekonomıka mınıstri Nurlan Baıbazarov sanktsııa salynǵan kompanııalardyń tizimine jańa qazaqstandyq kásiporyndardyń kirýine baılanysty pikir bildirdi.</p>

«Meniń esimde bolsa, osyǵan deıin eki qazaqstandyq kompanııa Amerıka sanktsııasyna tap bolǵan edi. Bul ózi bir kúndik kompanııalar. Sondaı maqsat úshin ashylatyn bolsa kerek. Tekserip qarasaq, ashylady, qandaı da bir kelisimshart bekitedi de joǵalyp ketedi. Batystaǵy sanktsııaǵa jaýapty qarjy qyzmetteri ol kompanııalardy «ótken shaqta» áshkereleıdi de sanktsııa tizimine engizedi», — dedi vıtse-premer.

Ulttyq ekonomıka mınıstri mundaı kompanııalardyń áshkere bolýy Qazaqstanda sanktsııalardy aınalyp ótýdiń júıeli shemasy bar degendi bildirmeıdi. 

«Men bul júıeli másele dep, qazaqstandyq kompanııalar sanktsııany aınalyp ótýge talpynady dep oılamaımyn. Bul tabys kózdegen túrli kompanııalar. Onymen kúresý qıyn. Biraq, jalpy alǵanda, biz sanktsııanyń oryndalýyn baqylap otyrǵan amerıkalyq jáne eýropalyq tıisti qyzmettermen kelisilgen shekteýlerdi saqtaımyz», — dedi Nurlan Baıbazarov.

Eske salsaq, Baıbazarov Qyzylorda-Jezqazǵan jolyna tartylatyn syrtqy qaryzdyń paıyzdyq mólsherlemesi qandaı ekenin aıtyp berdi.

Buǵan deıin Ulybrıtanııa Reseıdiń áskerı-ónerkásip keshenine jańa sanktsııa qabyldaǵanyn málim etken edi. 

Tizimdegi 56 kompanııanyń ishinde Qazastanda tirkelgen 6 kásiporyn bar. Olar: 

«STANEX Group»JShS;
«Kazstanex» JShS;
«ZapchastTreıd» JShS;
«Rabadazııa» JShS;
CPS Energy;
«TawKZ»JShS.