Baıanbek Qyryqbaev Aqtóbe qalasyndaǵy Astana aýdanynyń ákimi qyzmetine taǵaıyndaldy

<p>AQTÓBE. KAZINFORM &ndash; Astana aýdany ákiminiń qyzmetine Baıanbek Qyryqbaev taǵaıyndaldy. Buǵan deıin ol Aqtóbe oblysynyń Jer resýrstaryn basqarý departamentine basshylyq etti.</p>

Aqtóbe qalalyq máslıhaty Astana aýdany ákimi qyzmetine usynylǵan Baıanbek Qyryqbaevtyń kandıdatýrasyn maquldady. Joǵary bilimdi maman Batys Qazaqstan memlekettik ýnıversıtetin quqyqtaný, Batys Qazaqstan ınjenerlik-gýmanıtarlyq ýnıversıtetin kadastr biliktiligi boıynsha aıaqtaǵan.

- ​Eńbek jolyn muǵalim bolyp bastaǵan. Ár jyldary Batys Qazaqstan oblysy Ádilet basqarmasynyń jetekshi mamany bolyp, Aqjaıyq aýdany memlekettik sanıtarlyq-epıdemıologııalyq qadaǵalaý basqarmasynyń bas mamany, Batys Qazaqstan jáne Aqtóbe oblystary jer qatynastarynyń bas mamany, «Aqtóbe Jer ǵylymı-óndiristik ortalyǵy» RMK bóliminiń bastyǵy, Aqtóbe oblysy ákimi apparatynyń uıymdastyrý-baqylaý bóliminiń bas ınspektory, Qobda aýdany ákiminiń orynbasary boldy. Sonymen birge Aqtóbe oblysy ákimi apparatynyń óńirlik damý, uıymdastyrý-baqylaý jumysy bóliminiń basshysy qyzmetterin atqardy. ​Taǵaıyndalǵanǵa deıin QR Aýyl sharýashylyǵy mınıstrligi Jer resýrstaryn basqarý komıteti Aqtóbe oblysynyń Jer resýrstaryn basqarý departamentin basqardy, - dep habarlady Aqtóbe qalasy ákiminiń baspasóz qyzmeti.

Aıta keteıik, buǵan deıin Astana aýdanynyń ákimi bolǵan Almas Jaqsylyqov on kún buryn Temir aýdanynyń ákimi qyzmetine taǵaıyndaldy.