Baıanaýyldaǵy kólik apatynan Tótenshe jaǵdaıdyń 3 qyzmetkerleri zardap shekti
Oblystyq polıtsııa departamenti baspasóz qyzmetiniń málimetinshe, «Nıva» markaly avtokóliginiń 22 jastaǵy júrgizýshisi qarsy qozǵalys jolaǵyna shyǵyp, «Toyota Land Cruiser 100» avtokóligimen soqtyǵysqan.
«Kólik quraldary aıyp turaǵyna qoıyldy. Atalmysh faktige qatysty tekserý júrgizilýde. Saraptama taǵaıyndaldy», - dedi departamentte.
Oblystyq TJD baspasóz qyzmetinen «Nıva» qyzmettik avtokóliginde Baıanaýyl aýdany TJ bólimi qyzmetkerleri bolǵanyn habarlady.
Jol-kólik oqıǵasy saldarynan 1991, 2000 jáne 1988 jyldary týǵan Baıanaýyl aýdanynyń TJ bóliminiń úsh qyzmetkeri zardap shekken. Olar qazirgi ýaqytta Baıanaýyl aýdandyq ortalyq aýdandyq aýrýhanasynda jatyr. Olardyń barlyǵy jabyq bas súıek-mı jaraqatyn alǵan.
«30 jastaǵy er adamnyń jambasy men bilegi synǵan. Oǵan travmatıkalyq shok dıagnozy qoıyldy. Er adamnyń jaǵdaıy aýyr, – dep tolyqtyrdy densaýlyq saqtaý basqarmasynda. – 22 jastaǵy júrgizýshide jambasynyń jabyq synýy tirkeldi. Ekinshi jolaýshy da jaraqat alǵan.